تۆپبارانکردنی گونده‌کانی باشووری کوردستان له‌لایه‌ن تورکیاوه‌ ریسوا ده‌که‌ین

تۆپبارانکردنی گونده‌کانی باشووری کوردستان له‌لایه‌ن تورکیاوه‌ ریسوا ده‌که‌ین

کۆمه‌ڵانی هه‌راوی خه‌ڵکی کوردستان!
وڵاتپارێزان و سه‌ربه‌خۆخوازان!

ماوه‌یه‌ک بوو سه‌رانی ده‌وڵه‌تی تورکیا له‌ لێدوانه‌کانی خۆیان دا هه‌ڕه‌شه‌ی له‌شکرکێشیان بۆ ‌باشووری کوردستان ده‌کرد، به‌مافی خۆیان ده‌زانی ده‌ست له‌ کاروباری ناوخۆی باشوور و‌ کێشه‌ی که‌رکوک وه‌ربده‌ن، هه‌ندێجاریش هه‌ڕه‌شه‌و گوڕه‌شه‌کانی خۆیان به‌ هه‌بوونی بنکه‌و باره‌گاکانی گه‌ریلاکانی پارتی کرێکارانی کوردستان له‌نێو خاکی باشووری کوردستان دا گرێ ده‌داو داوایان له‌ ئه‌مریکا ده‌کرد هاوکاریان بکات، وێڕای ئه‌وه‌ی له‌لایه‌ن ئه‌مریکاوه‌ هیچ وه‌ڵامێکی ئه‌رێنی وه‌رنه‌گرتۆته‌وه‌ و هۆشێاریش کراوه‌ته‌وه‌، که‌چی ئه‌مه‌ چه‌ند رۆژێکه‌ سوپای تورکیا کوێرانه‌ ده‌ستی به‌ تۆپبارانکردنی گونده‌کانی پارێزگای دهۆک کردووه‌، به‌گوێره‌ی هه‌واڵه‌کان زیانێکی گه‌وره‌ی ماددی به‌ دانیشتووانی گونده‌کان گه‌یشتووه‌، زۆربه‌یان ناچاربوونه که‌ زێد و ئاوایی خۆیان جێبهێڵن. له‌لایه‌کی دیکه‌شه‌وه‌ سوپای تورکیا خۆی بۆ ئۆپه‌راسیۆن و له‌شکرکێشی ئاماده‌کردووه‌، بۆ ئه‌م مه‌به‌سته‌ش دوێنێ 15/10/2007 له‌ کۆبوونه‌وه‌یه‌کدا ئه‌نجوومه‌نی وه‌زیرانی ده‌وڵه‌تی تورک ئیمزای له‌سه‌ر پڕۆژه‌بڕیاری ئه‌نجامدانی ئۆپه‌راسیۆنی سه‌ربازی دژ به‌ گه‌ریلاکانی پارتی كرێكارانی كوردستان كردووه‌، بۆ په‌سه‌ندكردنیش ره‌وانه‌ی ئه‌نجومه‌نی نوێنه‌رانی وڵاته‌كه‌ی كردووه‌، راستیه‌که‌ی ئه‌م له‌شکرکێشیه‌ به‌پاساوی هه‌بوونی بنکه‌کانی گه‌ریلاکانی په‌که‌که‌ جۆش ده‌درێن، به‌ڵام بۆ لێدانی ده‌سته‌که‌وته‌کانی باشووری کوردستانه‌ که‌ تورکیا به‌مه‌ترسی بۆ سه‌ر داهاتووی خۆی لێکی ده‌داته‌وه‌، بۆیه‌ ئێمه‌ له‌ کاتێکدا هه‌ڕه‌شه‌کانی سه‌رانی تورک و تۆپبارانکردنی گونده‌کانی باشووری کوردستان له‌لایه‌ن سوپای تورکه‌وه‌ ریسواو مه‌حکوم ده‌که‌ین، له‌هه‌مان کاتدا دڵنیاین که‌ سه‌رانی تورک له‌ لێکدانه‌وه‌ی دۆزی ره‌وای گه‌لی کوردستان دا هه‌ڵه‌ ده‌که‌ن و ناکام ده‌مێننه‌وه‌. ئێمه‌ پێمانوایه‌ که‌ له‌شکرکێشی ئه‌مجاره‌شیان وه‌کو جاره‌کانی دیکه‌ برینه‌کانی ئه‌وان ساڕێژ ناکات، نه‌ک خه‌ون و به‌رژه‌وه‌نده‌کانی ئه‌وان ناپارێزێ، به‌ڵکو به‌زیانیش ته‌واو ده‌بێ، چونکه‌ نه‌ک


هه‌ر پارتی کرێکارانی کوردستان و بزاڤی رزگاریخوازی باکووری کوردستان له‌نێو ناچن، به‌ڵکو یه‌کێتی نه‌ته‌وه‌یی له‌نێو کوردستانیان دا به‌هێزتر ده‌کات، هه‌موو هێزه‌ سیاسیه‌کانی کوردستان له‌ ده‌وره‌ی گوتاری به‌رگری و به‌رخۆدان له‌ ده‌ستکه‌وته‌کانی باشووری کوردستان دا کۆده‌بنه‌وه‌، کوردستانیان پڕهیواتر له‌ داهاتووی نیشتمانه‌که‌یان ده‌ڕوانن و لێبڕاوانه‌تر له‌ دژی له‌شکرکێشی تورکیا سه‌نگه‌ر ده‌گرن.
ئێمه‌ لێره‌دا هه‌م داوا له‌ ویژدانی زیندووی گه‌لانی ئازادیخواز، رای گشتی ده‌و‌ڵه‌تان و هێزه‌ پێشڤه‌ڕۆکانی تورکیا ده‌که‌ین که‌ گوشاره‌کانی خۆیان بۆ ‌سه‌ر حکومه‌تی ئه‌نکارا چڕ بکه‌نه‌وه و هاوسۆزی له‌گه‌ڵ دۆزی ره‌وای کوردستان دا بنوێنن‌، هه‌م هۆشیاری به‌ ده‌وڵه‌تی تورکیا ده‌ده‌ین و سه‌رنجی بۆ ئه‌و ئاکامه‌ خراپه‌ راده‌کێشین که‌ به‌هۆی که‌لله‌ڕه‌قی و پاوانخوازییه‌وه‌ وه‌گیری ده‌که‌وێ.


سه‌رکه‌وێ خه‌بات له‌پێناو نیشتمانێکی سه‌ربه‌خۆ.
هه‌ره‌س و ریسوایی بۆ داگیرکه‌ران .


حزبی رزگاریی کوردستان
پارتی سه‌ربه‌خۆیی کوردستان
پارتی سه‌ربه‌ستیی کوردستان
یه‌کێتی شۆڕشگێڕانی کوردستان

سـێشه‌ممه 24 ڕه‌زبه‌ری 2707 ی کوردی.

16-10-2007


4 پارتی کوردستانی .

وتاری سیاسی

  • 
    بەیاننامەی پارتی سەربەستیی کوردستان لە پێوەندی بە ڕزگارکردنەوەی شنگاڵ، و ڕووداوەکانی دوزخورماتووی باشوری کوردستان

      ڕزگاری شنگاڵ. خەڵکی هەردەم خۆراگرو تێکۆشەری کوردستان. ڕێکەوتی ١٣ / ١١ / ٢٠١٥ مزگێنی ڕزگارکردنەوەی شنگاڵ لە لایەن سەرۆکی هەرێمی کوردستانەوە لە پرێس کۆنفرانسێکدا ڕاگەیاندرا. کە بە بەشداری دەیانهەزار لە پێشمەرگەکانی کوردستان و بە سەر پەرەستی بەڕێز مەسعود بارزانی فەرماندەی گشتیی هێزە چەکدارەکان و سەرۆکی هەرێمی کوردستان، و هەروەها بە بەشداری فرۆکەکانی هاویەیمانی شەری دژی داعش، و هێزەکانی پێکاکا و یەپەگە بەشداریان تێیدا هەبووە. هەواڵی ڕزگاربوونی شنگاڵ هەموو کوردێکی خەمخۆری نیشتیمانی لە هەر قوژبنێکی جیهانداخۆشحاڵکرد. بەو بۆنەوە وەک پارتی سەربەستیی کوردستان پیرۆزبایی بە دەستهێنانەوەی ئەو شارە ...

مافی مرۆڤ

    
  • هیچ کەس ولایەنێک ناتوانێ تاوانبارانی جینۆساید بەرەڵا بکات

    لەمێژە هەوڵەکان بۆ بەرەڵاکردنی تاوانباری ئەنفال سوڵتان هاشم  لە ئارادایە ،بەلام بەهۆی فشارەکانی  کەسو کاری قوربانیان جینۆساید و چین و توێژەکانی تری عیراقەوە  سەرکەوتوو نەبوە. وا جارێکی تر دەنگۆی بەرەڵا کردنەکەی  دەبیستین لە میدیاکانی راگەیاندنەوە گوایە ئەمجارە  جەند کەس و لایەنێک  لەهەوڵدان بۆ بەردانی ئەم تاوانبارە ئەویش بەپێی ڕیکەوتن و مامەڵەیەکی سایسیە  بۆ ئازاد کردنی شاری موسڵ . ئەم کارە نارەوایە  هەرچۆنێک بێت دژ بە هەموو پرەنسیپەکانی مافی مرۆڤ و پێشێلکاریەکی زەقی یاسا و دادوەریە،لەگەڵ ئەوەشدا &n ...

بابه‌تی هونه‌ری

    
  • له‌ قه‌سابخانه‌وه‌ بۆ باره‌گا, هه‌ژێن

    له قه سابخانه وه بۆ باره گاهه ژێن03.04.2009تۆ هاتی و دڵم کرده سفره بۆتتۆ ناوه خت هاتی و سفره م خاڵی بووله به رده مت راکشام و وتم “ها سه رم ببڕه ”تۆ ناوه خت هاتی و ئه لبومێکی ته مه ندرێژم بۆت کرده وه نه مزانی ناوه خت ده ڕۆی و وێنه کانت گشت ڕه شده که یته وه تۆ ناوه خت له په نجه ره وه هاتی,به ڵام کچه دراوسێکه مان له ده رگه وه ماچی بۆ هه ڵدامبیست و هه شت ساڵ له مه وبه ربه ر له کۆچی ناخواسته ی خۆیساڵێ به ر له پێشمه رگکه وتنملێی پرسیم “تۆ چیت”که چی تۆ دوو ڕۆژ له مه وبه ربۆت نووسیم “تۆ سه گیت”پێم سه یر بوو، تازه زانیوه ته من به ڕه ڵام وه ك سه گئه و به ...