گه‌ر ئازادی زیندان بکرێ، دیموکراسی کوجا مه‌رحه‌با؟

گه‌ر ئازادی زیندان بکرێ، دیموکراسی کوجا مه‌رحه‌با؟



له گشت ووڵاتانی دونیا ده‌بینین ڕۆژ له دوای ڕۆژ ده‌رگا ئاسنینه‌کان له‌سه‌ر ڕۆحی ئازادی ده‌کرێنه‌وه و هه‌نگاو به‌ره‌ و به‌رفراوان کردنی ڕاو بۆچونه ئازاده‌کان ده‌نرێ.
به‌ڵام مه‌خابن....له ووڵاته پارچه پارچه بێ نازه‌که‌ی ئێمه‌دا تازه به تازه ئازادی ته‌سک ده‌کرێته‌وه و زیندانی ده‌کرێت.
ڕۆژنامه گه‌ری ڕووی شارستانیه‌تی هه‌ر میلله‌تێکه، واته ڕۆژنامه‌گه‌ری و ڕۆژنامه‌نووس هه‌وێنی گرفت و خۆشییه‌کانی میلله‌تانه و
به هیچ شێوه‌یه‌ک ناتوانین ده‌ستبه‌رداری ئه‌و هه‌وێنه بین.
گه‌ر بێین و سه‌یرێکی ووردی ڕۆژنامه‌گه‌ری کوردی بکه‌ین ده‌بینین زۆر جار له‌ساته‌ مێژووییه‌کاندا په‌ره‌ی سه‌ندووه به پێی بیری ڕۆشنبیرانی کوردستان، وه‌ک چۆن به‌درخانییه‌کان توانیان له ووڵاتی هه‌نده‌راندا بیر و هه‌نسکی میلله‌تی کورد بده‌ن به گوێی دونیادا.
له ڕۆژه ڕه‌شه‌کانی کوردیشدا ڕۆژنامه‌نووس
هه‌موو کات به گشت بیر و بۆچونه‌کانی دوژمندا ڕاوه‌ستاوه و له ئه‌نجامدا تووشی گرتن و دوورخستنه‌وه وکوشتن بووه و هه‌موو کات هه‌ڵگری خه‌م و ئازاره‌کانی میلله‌ت بووه.
له مێژووی نوێی گه‌له‌که‌شماندا ڕۆژنامه و ڕۆژنامه‌نووس بوبونه پارچه‌یه‌ک له هزری شۆڕشی ڕزگاریخوازی گه‌لی کورد و ڕووبه ڕووی چه‌ک و پێشکه‌وتویی ته‌کنه‌لۆژیای سه‌ربازی ده‌وه‌ستا و وره‌ی پێشمه‌رگه‌ و جه‌ماوه‌ری کوردی ده‌کرده پۆڵا و قه‌ڵایه‌کی ئه‌مه‌نده مه‌زن به‌رز تر له باڵای قینی دڵی دیکتاتۆرو خوێن مژانی گه‌له‌که‌مان. ئه‌مه له شۆڕشی شاخیشدا به‌رده‌وام بوو، به کۆتایی هاتنی ئه‌م قۆناغه و تێکه‌ڵ بوونی ڕۆژنامه گه‌ری به شارستانیه‌تی شار هێنده‌ی تر ئه‌رکی ڕۆژنامه‌نووس و ڕۆژنامه‌کان زێده تر بوو، که هه‌ر وه‌ک ڕه‌قیبێک به‌سه‌ر ده‌سته‌ڵاتدارانی عه‌سکه‌ری و سیاسییه‌وه خۆی له گرفته‌کانی گه‌ل نزیک ده‌کرده‌وه و ده‌یخسته ڕوو.
هه‌روه‌ها چه‌نده‌ها جار له‌به‌رئه‌وه‌ی دژی شه‌ڕی ناوخۆ و گه‌نده‌ڵی کاربه‌ده‌ستان و ده‌سته‌ڵاتدارانی کوردستان وه‌ستاون، ڕۆژنامه و ڕۆژنامه‌نووس توشی چه‌نده‌ها گیروگرفت و ئه‌شکه‌نجه و دوورخستنه‌وه بوون.
به‌ڵام ڕۆژنامه‌نووس ده‌نگی خۆی و گه‌له‌که‌ی هه‌میشه له پێش به‌رژه‌وه‌ندی ته‌سکی سیاسی و حیزبایه‌تییه‌وه پێشڕه‌و کردووه، ئه‌مه‌ش بووه هۆی ئه‌وه‌ی هانی سیاسه‌تمه‌داران و یاساناسان بدات بۆ دانانی ده‌ستووری هه‌میشه‌یی کوردستان که ئه‌مه‌ش یه‌کێ بوو له شه‌قاوه گرنگه‌کانیان.
په‌رله‌مانی کوردستان یاساداڕێژه‌ری گه‌لی کورده و له‌م کاته ناسکه‌ی کوردستاندا ده‌بوایه بۆ ئه‌وه‌ی یاسای ده‌ستووری هه‌رێمی کوردستان بچه‌سپێت بۆچوونی ڕۆژنامه‌نوسه‌کانیشی وه‌رگرتایه له هه‌موو یاساکاندا، به پێچه‌وانه‌وه، نه‌ک هه‌ر پرسی پی نه‌کردن، به‌ڵکو ئه‌م یاسا په‌سه‌ندکراوه‌ی دوایی دژی ڕۆژنامه‌نووسان ئه‌و ئازادییه گچکه‌یه‌شی که هه‌بوو سه‌ره‌ونوگون کرد و خستییه ژێر گڵه‌وه به‌وه‌ی که یاسای په‌سه‌ندکراو ڕێگه ده‌دات به داخستنی ڕۆژنامه و غه‌رامه کردن و زیندانی کردنی ڕۆژنامه‌نووسان و کۆکردنه‌وه‌ی ژماره‌کانی ڕۆژنامه له بازاڕدا، به تایبه‌تی ئه‌و ڕۆژنامانه‌ی که ده‌نگی ئازادی و شۆڕشگێڕی بڵاو ده‌که‌نه‌وه و دژی گه‌نده‌ڵی و سامان کۆکردنه‌وه‌ی تاکه که‌س ده‌دوێن، ئیتر ئه‌مه‌ش به بۆچونی من کاریگه‌ری سیاسی زیاتر به سه‌ریدا زاڵه له‌وه‌ی که یاسایه‌ک بێت بۆ هه‌رێمی کوردستان.
که‌وابوو ده‌نگی ئازادی به شێوه‌یه‌ک ده‌شێوێندرێت هه‌ر له قورگییه‌وه ده‌تاسێندرێت و ناهێڵدرێت پێنووسی ڕۆژنامه‌نووس ئاشنای ببێت.
پێویسته گه‌لی کورد به گشتی دژی ئه‌م یاسایه بوه‌ستێت به‌تایبه‌تی خوێندکاران و توێژی گه‌نجان، چونکه ئه‌م یاسایه ته‌نها ڕۆژنامه‌نووسان ناگرێته‌وه، به‌ڵکو ئه‌م یاسایه په‌رده‌یه‌ک ده‌بێت که‌ به‌سه‌ر گشت گه‌نده‌ڵییه‌کان و فرت و فێڵی کاربه‌ده‌سته‌کاندا ده‌درێ و هێنده‌ی تر مافمان ده‌خورێت.
گه‌ر ئه‌مه دیسان هه‌ڕه‌شه‌ی دوژمنیشه بۆ ئه‌و ڕۆژنامانه‌ی که ده‌نگی گه‌ریلا ده‌گه‌یه‌ننه گوێی دونیا و گڕ و تینی گه‌ل نیشان ده‌ده‌ن، ئه‌وا حاشا په‌رله‌مانی ئێمه په‌رله‌مانی میلله‌ته‌که‌مان نییه.
له کۆتاییدا منیش ده‌نگی خۆم ده‌خه‌مه پاڵ ده‌نگی گشت ڕۆژنامه‌نووسانی کوردستان که دژی ئه‌م یاسایه‌ن و داواخوازم که به‌ڕێز مه‌سعود به‌رزانی پێنووس بۆ ئیمزا کردنی زیندانی کردنی ئازادی نه‌گرێت و ئیمزای ئه‌م یاسایه نه‌کات.

کانی هه‌ڵه‌بجه‌یی
هۆڵندا
Kany_awin@hotmail.com

کانی هه‌ڵه‌بجه‌یی هۆڵندا

وتاری سیاسی

  • 
    بەیاننامەی پارتی سەربەستیی کوردستان لە پێوەندی بە ڕزگارکردنەوەی شنگاڵ، و ڕووداوەکانی دوزخورماتووی باشوری کوردستان

      ڕزگاری شنگاڵ. خەڵکی هەردەم خۆراگرو تێکۆشەری کوردستان. ڕێکەوتی ١٣ / ١١ / ٢٠١٥ مزگێنی ڕزگارکردنەوەی شنگاڵ لە لایەن سەرۆکی هەرێمی کوردستانەوە لە پرێس کۆنفرانسێکدا ڕاگەیاندرا. کە بە بەشداری دەیانهەزار لە پێشمەرگەکانی کوردستان و بە سەر پەرەستی بەڕێز مەسعود بارزانی فەرماندەی گشتیی هێزە چەکدارەکان و سەرۆکی هەرێمی کوردستان، و هەروەها بە بەشداری فرۆکەکانی هاویەیمانی شەری دژی داعش، و هێزەکانی پێکاکا و یەپەگە بەشداریان تێیدا هەبووە. هەواڵی ڕزگاربوونی شنگاڵ هەموو کوردێکی خەمخۆری نیشتیمانی لە هەر قوژبنێکی جیهانداخۆشحاڵکرد. بەو بۆنەوە وەک پارتی سەربەستیی کوردستان پیرۆزبایی بە دەستهێنانەوەی ئەو شارە ...

مافی مرۆڤ

    
  • هیچ کەس ولایەنێک ناتوانێ تاوانبارانی جینۆساید بەرەڵا بکات

    لەمێژە هەوڵەکان بۆ بەرەڵاکردنی تاوانباری ئەنفال سوڵتان هاشم  لە ئارادایە ،بەلام بەهۆی فشارەکانی  کەسو کاری قوربانیان جینۆساید و چین و توێژەکانی تری عیراقەوە  سەرکەوتوو نەبوە. وا جارێکی تر دەنگۆی بەرەڵا کردنەکەی  دەبیستین لە میدیاکانی راگەیاندنەوە گوایە ئەمجارە  جەند کەس و لایەنێک  لەهەوڵدان بۆ بەردانی ئەم تاوانبارە ئەویش بەپێی ڕیکەوتن و مامەڵەیەکی سایسیە  بۆ ئازاد کردنی شاری موسڵ . ئەم کارە نارەوایە  هەرچۆنێک بێت دژ بە هەموو پرەنسیپەکانی مافی مرۆڤ و پێشێلکاریەکی زەقی یاسا و دادوەریە،لەگەڵ ئەوەشدا &n ...

بابه‌تی هونه‌ری

    
  • له‌ قه‌سابخانه‌وه‌ بۆ باره‌گا, هه‌ژێن

    له قه سابخانه وه بۆ باره گاهه ژێن03.04.2009تۆ هاتی و دڵم کرده سفره بۆتتۆ ناوه خت هاتی و سفره م خاڵی بووله به رده مت راکشام و وتم “ها سه رم ببڕه ”تۆ ناوه خت هاتی و ئه لبومێکی ته مه ندرێژم بۆت کرده وه نه مزانی ناوه خت ده ڕۆی و وێنه کانت گشت ڕه شده که یته وه تۆ ناوه خت له په نجه ره وه هاتی,به ڵام کچه دراوسێکه مان له ده رگه وه ماچی بۆ هه ڵدامبیست و هه شت ساڵ له مه وبه ربه ر له کۆچی ناخواسته ی خۆیساڵێ به ر له پێشمه رگکه وتنملێی پرسیم “تۆ چیت”که چی تۆ دوو ڕۆژ له مه وبه ربۆت نووسیم “تۆ سه گیت”پێم سه یر بوو، تازه زانیوه ته من به ڕه ڵام وه ك سه گئه و به ...