( كه‌ژاوه‌ى هاوسه‌رگيرى )




( كه‌ژاوه‌ى هاوسه‌رگيرى )
لێره‌دا نامه‌وێت پێناسه‌ى ژيانى هاوسه‌رگيرى بكه‌م و بچمه‌ قولاَيى ئه‌و باسه‌وه‌ ... چونكه‌ خۆشه‌ويستى له‌ كه‌سێكه‌وه‌ بۆ كه‌سێكى تر ده‌گۆرِێت و له‌ لاى هه‌ر كه‌سێكيش پێناسه‌يه‌كى تايبه‌تى خۆى هه‌يه‌ , ئه‌و كاته‌ى كه‌ ژيانێكى نوێ‌ دروست ده‌كه‌يت و جارێكى تر به‌ شێوه‌و قه‌باره‌يه‌كى جياواز خۆشه‌ويستى له‌ نێوان دوو مرۆڤى رِه‌گه‌ز جياواز و دوو ئه‌قڵى جياواز دروست ده‌بێت , هه‌نگاو به‌ره‌و جيهانێكى جياواز هه‌ڵده‌گريت , هه‌رچه‌نده‌ به‌ برِواى من بۆ ده‌ستپێكردن به‌ هه‌ركارێكى نوێ‌ له‌ هه‌ر كايه‌يه‌ك له‌ كايه‌كانى ژيان ده‌بێت له‌سه‌ر بنه‌ماى رِاستگۆى و خۆشه‌ويستى و لێبوورده‌يى له‌ ئاست يه‌كتردا به‌ ئه‌نجام بگه‌يه‌نرێت , به‌ تايبه‌ت له‌ چوونه‌ ناو كه‌ژاوه‌ى هاوسه‌رێتيه‌وه‌ كه‌ برِيارێكى زۆر قورسه‌ و پێويسته‌ هه‌موو لايه‌ك له‌به‌ر ده‌ميدا هه‌ڵوه‌سته‌ بكه‌ين , كه‌ به‌ داخه‌وه‌ زۆرێك له‌ هاوسه‌ره‌كانى كۆمه‌ڵگاى كوردى به‌ بێ‌ په‌يرِه‌ويكردنى هيچ رِێنماييه‌ك و حسابكردن بۆ زۆر لايه‌نى تر كه‌ ده‌شێت له‌ ئاينده‌دا رِووبه‌رِوويان ببێته‌وه‌ به‌ رِێگه‌يه‌كى هه‌رِه‌مه‌كى برِيارى هاوسه‌ريان داوه‌ و ئه‌مه‌ش وايكردووه‌ له‌ ماوه‌يه‌كى كه‌مى پاش پرِۆسه‌ى هاوسه‌رگيريه‌كه‌ياندا تووشى بێزارى ببن و له‌ ئاكامدا به‌ كاره‌سات كۆتايى پێبێت , بۆيه‌ له‌و برِوايه‌دام ژيانى هاوسه‌رێتى كردارێكى هۆشه‌كييه‌و دوو مرۆڤى جياواز له‌ ئه‌قڵ و له‌ ئاستى رِۆشنبيرى و رِه‌گه‌زى جياواز به‌ يه‌كه‌وه‌ ده‌به‌ستێته‌وه‌ كه‌ ئه‌مه‌ش پێويستى به‌ پلان و بناغه‌دانانێكى پته‌و هه‌يه‌ بۆ پێكه‌وه‌ ژيان له‌گه‌ڵ گه‌يشتن به‌و باوه‌رِه‌ى كه‌ په‌يوه‌ندييه‌ك هه‌يه‌ له‌ نێوان هه‌ردووكياندا كه‌ ده‌توانێت زۆربه‌ى داخوازيه‌كانى هه‌ردوولا وه‌ك پێويست جێبه‌جێبكات , ناكرێت كۆمه‌ڵێك رِواڵه‌ت ببێته‌ پاڵنه‌رى هه‌ڵبژاردنى كه‌سێك كه‌ پێده‌چێت ئه‌و رِواڵه‌تانه‌ پاش ماوه‌يه‌كى كه‌م له‌ ژيانى هاوسه‌رگيرى ئه‌و به‌هايه‌يان نه‌بێت وه‌ عيلله‌تى مانه‌وه‌ى دوو هاوسه‌ر پێكه‌وه‌ هيچ مانايه‌كى نه‌مێنێت , له‌به‌ر زۆر هۆكار كه‌ خۆيان به‌سه‌ر تاكه‌كانى كۆمه‌ڵگه‌دا سه‌پاندووه‌ ناتوانن له‌ يه‌كتر جياببنه‌وه‌ كه‌ هه‌رگيز ئه‌نجامێكى خوازراو نييه‌ , له‌ پاى ئه‌مه‌ له‌ بيرى ئارامى و دڵنيايى بۆ يه‌كتر ده‌بنه‌ ئه‌و دۆزه‌خه‌ى كه‌ زۆرێك پێش ماڵئاوايى له‌ ژيان به‌ ده‌ست هاوسه‌ره‌كانيانه‌وه‌ ده‌يچه‌ژن .
له‌م چه‌ند په‌يڤه‌مدا پێشنيار ده‌خه‌مه‌ به‌رده‌م ده‌سه‌لاَت و لايه‌نى په‌يوه‌نديدار بۆ كردنه‌وه‌ى ناوه‌ندێكى رِێنمايى په‌يوه‌ست به‌ پێداويستيه‌كانى خێزان بۆ ئه‌و كورِو كچه‌ لاوانه‌ى به‌ نيازن ببنه‌ هاوسه‌رى يه‌كتر , كه‌ به‌ داخه‌وه‌ ئێمه‌ له‌م لايه‌نه‌وه‌ زۆر كه‌مته‌ر خه‌م بووين و زۆر دره‌نگه‌ بۆ دروست بوونى ئه‌م ناوه‌ندانه‌ , كه‌ تيايدا شاره‌زايان و توێژه‌رانى كۆمه‌لاَيه‌تى و ده‌روونى ... تاد رِێنمايى پێويست ده‌رباره‌ى ژيانى هاوسه‌رێتى بده‌نه‌ ئه‌و لاوانه‌و ئه‌مه‌ش ببێته‌ پابه‌ندييه‌كى فه‌رمى بۆ هه‌موو ئه‌و گه‌نجانه‌ى به‌ نيازى هاوسه‌ر گيرين , له‌م ده‌روازه‌يه‌وه‌ ده‌توانين به‌ر چاو رِۆشنى بده‌ينه‌ لاوه‌كانمان و له‌ كاره‌سات و موفاجه‌ئاته‌ تراژيدييه‌كانى دواى هاوسه‌رگيريش پارێزراو بن .
فه‌رهه‌نگ جلال
Farhang_jalal@yahoo.com
Farhang_jalal@hotmail.com



فه‌رهه‌نگ جلال

وتاری سیاسی

  • 
    بەیاننامەی پارتی سەربەستیی کوردستان لە پێوەندی بە ڕزگارکردنەوەی شنگاڵ، و ڕووداوەکانی دوزخورماتووی باشوری کوردستان

      ڕزگاری شنگاڵ. خەڵکی هەردەم خۆراگرو تێکۆشەری کوردستان. ڕێکەوتی ١٣ / ١١ / ٢٠١٥ مزگێنی ڕزگارکردنەوەی شنگاڵ لە لایەن سەرۆکی هەرێمی کوردستانەوە لە پرێس کۆنفرانسێکدا ڕاگەیاندرا. کە بە بەشداری دەیانهەزار لە پێشمەرگەکانی کوردستان و بە سەر پەرەستی بەڕێز مەسعود بارزانی فەرماندەی گشتیی هێزە چەکدارەکان و سەرۆکی هەرێمی کوردستان، و هەروەها بە بەشداری فرۆکەکانی هاویەیمانی شەری دژی داعش، و هێزەکانی پێکاکا و یەپەگە بەشداریان تێیدا هەبووە. هەواڵی ڕزگاربوونی شنگاڵ هەموو کوردێکی خەمخۆری نیشتیمانی لە هەر قوژبنێکی جیهانداخۆشحاڵکرد. بەو بۆنەوە وەک پارتی سەربەستیی کوردستان پیرۆزبایی بە دەستهێنانەوەی ئەو شارە ...

مافی مرۆڤ

    
  • هیچ کەس ولایەنێک ناتوانێ تاوانبارانی جینۆساید بەرەڵا بکات

    لەمێژە هەوڵەکان بۆ بەرەڵاکردنی تاوانباری ئەنفال سوڵتان هاشم  لە ئارادایە ،بەلام بەهۆی فشارەکانی  کەسو کاری قوربانیان جینۆساید و چین و توێژەکانی تری عیراقەوە  سەرکەوتوو نەبوە. وا جارێکی تر دەنگۆی بەرەڵا کردنەکەی  دەبیستین لە میدیاکانی راگەیاندنەوە گوایە ئەمجارە  جەند کەس و لایەنێک  لەهەوڵدان بۆ بەردانی ئەم تاوانبارە ئەویش بەپێی ڕیکەوتن و مامەڵەیەکی سایسیە  بۆ ئازاد کردنی شاری موسڵ . ئەم کارە نارەوایە  هەرچۆنێک بێت دژ بە هەموو پرەنسیپەکانی مافی مرۆڤ و پێشێلکاریەکی زەقی یاسا و دادوەریە،لەگەڵ ئەوەشدا &n ...

بابه‌تی هونه‌ری

    
  • له‌ قه‌سابخانه‌وه‌ بۆ باره‌گا, هه‌ژێن

    له قه سابخانه وه بۆ باره گاهه ژێن03.04.2009تۆ هاتی و دڵم کرده سفره بۆتتۆ ناوه خت هاتی و سفره م خاڵی بووله به رده مت راکشام و وتم “ها سه رم ببڕه ”تۆ ناوه خت هاتی و ئه لبومێکی ته مه ندرێژم بۆت کرده وه نه مزانی ناوه خت ده ڕۆی و وێنه کانت گشت ڕه شده که یته وه تۆ ناوه خت له په نجه ره وه هاتی,به ڵام کچه دراوسێکه مان له ده رگه وه ماچی بۆ هه ڵدامبیست و هه شت ساڵ له مه وبه ربه ر له کۆچی ناخواسته ی خۆیساڵێ به ر له پێشمه رگکه وتنملێی پرسیم “تۆ چیت”که چی تۆ دوو ڕۆژ له مه وبه ربۆت نووسیم “تۆ سه گیت”پێم سه یر بوو، تازه زانیوه ته من به ڕه ڵام وه ك سه گئه و به ...