بەیاننامەی ڕێکخراوی لاوانی سەربەستی کوردستان بە بۆنەی ڕۆژی 8ی مارس، ڕۆژی ژنان!

بەیاننامەی ڕێکخراوی لاوانی سەربەستی کوردستان بە بۆنەی ڕۆژی 8ی مارس، ڕۆژی ژنان!


ژنانی خەباتگێڕ، ‌تێکۆشەر و مافویست، ڕێکخرای لاوانی سەربە ستی کوردستان گەرمترین سڵاو ئارەستەی ئێوە ژنانی نموونەی ئازادی و ژیانەوانی دەکات! هەر لەم پێوەندییە دا بە بۆنەی هاتنی 8ی مارس ڕۆژی خەبات و تیکۆشانی ژنان پڕ بە دڵ پیرۆز بایی ئارەستەی هەموو ژنانی کوردستان و جیهان دەکەین و هیوادارین کە ئەم ڕۆژە پیرۆزە لە لایەن تەیفەکانی تری کۆمەڵەوە بۆ ڕێزگرتن لە خەبات و تێکۆشانی ژنان برەوی پێبدرێت و پێشوازی لێبکرێت و هاوڕابوون لەو پێوەندیە دا بێتە گۆڕێ بۆ ئەوە کە ژنانیش وەک بژارەکانی تر بە ئاوات و مافی یەکسانی و ئنسانی خۆیان بگەن.
ئەگەر بمانهەویت ئاورێکی خێرا لە خەبات و تیکۆشانی ژنان بدەینەوە، دەبێت بگەڕەینەوە بۆ ئەو کاتە کە کۆمەڵێک لە ژنان لە کۆمپانیای نساجی لە نیۆیۆرک دەستیان کرد بە ناڕەزایەتی دەبڕین بەرامبەر بە ئەو ستەمەی کە لێیان دەکرا لە ساڵەکانی نزیک 1857 دا، بەڵام لە لایەن پۆلیسەو بە شێوەیکی زۆر دڕندانە وڵامیان درایەوە و کۆمەڵێک لە ژنان کەوتنە نەخۆشخانە و بەندیخانەکانەوە، هەر لەو کاتەوە خەبات و تێکۆشانی ژنان لە پێناو ڕەوەندنەوەی ئەو ستمە و جۆرەکانی تری هزری رەگەز پەرەستانە زۆر قۆناغی بڕیوە و ئاڵگۆڕی زۆری بە سەر دا هاتووە و خەبات و تێکۆشانی ژنانیش سەرکەوتنی باشی بە خۆیەوە بینیوە و لە هندێک لە وڵاتان ژنان ئەو خەباتەیان بە ئاکام گەیاندووە و بە بەشێکی زۆر لە مافە بنەڕەتیەکانی خۆیان گەیشتوون و بەردەوام لە هەوڵدان بۆ ئەوەی کە هزر و توانای خۆیان وەدەر بخەن و تواناکەی خۆیان بە تەیفەکامی تر کۆمەڵ بناسێنن، هەر لەو وڵاتانە دا ژنان توانیوانە کە بەشداری لە دەسەڵاتی سیاسی، ئابووری و توێژینەوە زانستی و کۆمەڵایەتیەکان بکەن و لە زۆر بواردا لە پیاوان باشتر خزمەت بکەن و سەرکەوتن بەدەست بهێنن و هەر ئەم تێکۆشانەی ژنان وای کردووە کە هندێکی تر لە وڵاتان لە مەڕ نەهامەتیەکانی ژنان دەست بە توێژینە بکەن و ئاوڕی لێ بدەنەوە. بەڵام بە داخەوە هەروەها لە هندێک لە وڵاتانی دواکەوتوو و بەتاییبەت ئەفریقا و ڕۆژهەڵاتی نێوەڕاست بە هۆی زاڵبوونی سیستمی و دەسەڵاتێکی دیکتاتوور و ڕادیکاڵ تا ئیستاش خەبات و تێکۆشانی ژنان پێشکەوتنی بە خۆیە نەبینیوە و ژنان بە دڕندانەتەرین شێوە دەچەوسێنرێنەوە ، وە بە تاییبەت لە کوردستان دا کە هەم چەوساندنەوەی سیاسی هەیە وەک چەوساندنەوەی نەتەوە و ئیدۆلۆژی جیاواز و هەم چەوساندنەوەی ئابووری هەیە کە ڕێگا بە ژنان نادات کە لە دەرەوەی ماڵەوە کار بکەن و هەم لە بارەی کۆمەڵایەتیەوە چەوساندنەوە هەیە کە یاسا و کەلتوور، داب و نەریت و دین لە گەڵ ویستەکانی ژنان دا یەکسان نییەن و پێشگیری لە بەرەوپێشەڤەچوون لە یاسا بنەڕەتیەکان دا بێتە گۆڕێ دەکەن و لە لایەکی ترەوە خوودی پیاو و سیستمی پیاو سالاری بووەتە هۆی چەوساندنەوەی دامنەگیرتر و کەم ڕوڵی ودوورەپەرێزی ژنان لە کار و کۆمەڵگا دا، هەر بۆیە بە داخەوە بەشێک لەو ژنانە بە هندێک نەخۆشی و ئیسترێسی و ڕەشبینیەوە پەنا بۆ هندێک کار دەبەن کە دەبێتە هۆی لە دەستدانی خۆیان ...هتد
ئێمە لێرەوە مووشکیلی ئەساسی ژنان لە کوردستان دا و لە گەڵ بوونی سیستمی ئاخوندی پێکەوە دەبەستینەوە و لەو بارەیەوە بۆچونمان وایە کە ئەگەر کۆماری ئیسلامی و سیستمی ئاخوندی بڕۆخێت بە خەبات و تێکۆشانی ژنانی تێکۆسەر ئاڵۆگۆڕیکی باشتر دیتەگۆڕێ و دەستکاری لە یاساکان دا دەکرێن و کەلتوور و داب و نەریتیش لە گەڵ بوونی یاسا دا توانایی خۆی نامێنیت چونکە یاسا پشتیوانی لێ ناکات ، ئەو کات ڕۆڵی ژنان کاراتر دەبێت و لە ماف و ئازادیە کانیان نزیکتر دەبنەوە، هەر بۆیە ئیمە پێمان وایە کە لە قۆناغی یەکەم دا کۆماری ئیسلامی بڕۆخینین و بۆ ئەوەی بتوانین قۆناغی دووەم بە سەرکەوتوویی کۆتایی پێ بهێنین و سیستمیکی دیموکرات لە کوردستان دا کە داخوازیەکانی ژنان بەجێبهێنێت جێگیر بێت ، جێگای خۆیە کە ژنان بە باوەڕ بە خۆبوونەوە لە خەبات و تێکۆشانی سیاسی و سینفی و مەدەنی دا بەشداری بکەن و هەوڵ بدەن کە خۆیان بگەیننە لوتکەکانی دەسەڵات لە کوردستان دا.

پیرۆز بێت 8ی مارس ڕوژی خەبات و تێکۆشانی ژنان

ڕێکخراوی لاوانی سەربەستی کوردستان
دەستەی بەڕێوەبەری ڕێکخراوی لاوانی سەربەستی کوردستان
08.03.2010


وتاری سیاسی

  • 
    بەیاننامەی پارتی سەربەستیی کوردستان لە پێوەندی بە ڕزگارکردنەوەی شنگاڵ، و ڕووداوەکانی دوزخورماتووی باشوری کوردستان

      ڕزگاری شنگاڵ. خەڵکی هەردەم خۆراگرو تێکۆشەری کوردستان. ڕێکەوتی ١٣ / ١١ / ٢٠١٥ مزگێنی ڕزگارکردنەوەی شنگاڵ لە لایەن سەرۆکی هەرێمی کوردستانەوە لە پرێس کۆنفرانسێکدا ڕاگەیاندرا. کە بە بەشداری دەیانهەزار لە پێشمەرگەکانی کوردستان و بە سەر پەرەستی بەڕێز مەسعود بارزانی فەرماندەی گشتیی هێزە چەکدارەکان و سەرۆکی هەرێمی کوردستان، و هەروەها بە بەشداری فرۆکەکانی هاویەیمانی شەری دژی داعش، و هێزەکانی پێکاکا و یەپەگە بەشداریان تێیدا هەبووە. هەواڵی ڕزگاربوونی شنگاڵ هەموو کوردێکی خەمخۆری نیشتیمانی لە هەر قوژبنێکی جیهانداخۆشحاڵکرد. بەو بۆنەوە وەک پارتی سەربەستیی کوردستان پیرۆزبایی بە دەستهێنانەوەی ئەو شارە ...

مافی مرۆڤ

    
  • هیچ کەس ولایەنێک ناتوانێ تاوانبارانی جینۆساید بەرەڵا بکات

    لەمێژە هەوڵەکان بۆ بەرەڵاکردنی تاوانباری ئەنفال سوڵتان هاشم  لە ئارادایە ،بەلام بەهۆی فشارەکانی  کەسو کاری قوربانیان جینۆساید و چین و توێژەکانی تری عیراقەوە  سەرکەوتوو نەبوە. وا جارێکی تر دەنگۆی بەرەڵا کردنەکەی  دەبیستین لە میدیاکانی راگەیاندنەوە گوایە ئەمجارە  جەند کەس و لایەنێک  لەهەوڵدان بۆ بەردانی ئەم تاوانبارە ئەویش بەپێی ڕیکەوتن و مامەڵەیەکی سایسیە  بۆ ئازاد کردنی شاری موسڵ . ئەم کارە نارەوایە  هەرچۆنێک بێت دژ بە هەموو پرەنسیپەکانی مافی مرۆڤ و پێشێلکاریەکی زەقی یاسا و دادوەریە،لەگەڵ ئەوەشدا &n ...

بابه‌تی هونه‌ری

    
  • له‌ قه‌سابخانه‌وه‌ بۆ باره‌گا, هه‌ژێن

    له قه سابخانه وه بۆ باره گاهه ژێن03.04.2009تۆ هاتی و دڵم کرده سفره بۆتتۆ ناوه خت هاتی و سفره م خاڵی بووله به رده مت راکشام و وتم “ها سه رم ببڕه ”تۆ ناوه خت هاتی و ئه لبومێکی ته مه ندرێژم بۆت کرده وه نه مزانی ناوه خت ده ڕۆی و وێنه کانت گشت ڕه شده که یته وه تۆ ناوه خت له په نجه ره وه هاتی,به ڵام کچه دراوسێکه مان له ده رگه وه ماچی بۆ هه ڵدامبیست و هه شت ساڵ له مه وبه ربه ر له کۆچی ناخواسته ی خۆیساڵێ به ر له پێشمه رگکه وتنملێی پرسیم “تۆ چیت”که چی تۆ دوو ڕۆژ له مه وبه ربۆت نووسیم “تۆ سه گیت”پێم سه یر بوو، تازه زانیوه ته من به ڕه ڵام وه ك سه گئه و به ...