نامەیەکی دڵخۆش بۆ بەناو (کاتیبەیەک) ی نەخۆش .



نامەیەکی دڵخۆش بۆ بەناو (کاتیبەیەک) ی نەخۆش .



کوردۆ ئەردەڵانی



بە یادی کوردی و سالمەوە کە دو صەدیقی حەمیمی نالی بوون

بەحەیا بێرە حزوور بەئەدەب سوجدە بەرە

خەڵوەتی دولبەرە سالم ئێره‌ مەیخانە نییە



با عەرضی ئیحترام ...

لە مەوقیعی کڵاورۆژنە مەقالێکی عەجیب و غەریب و مومتەلی بە کەلامی خالیون عەنلمەعنای شەخصێکم موتالا کرد کە خۆی لەمەقامی مەستورەدا داناوەو بە ئیعتیرافی شەخصی خۆی لە شەوێکی یەڵداییدا لە ئەحضانی نالییەکدا بوەو موناقەشەی قەصائیدی مەجموعەیەک شوعەرائی کوردیان کردوە کە نیسبەتەن سەر بە جنسی لەطیفن .

ئەم بە حیساب حەسناو ئەدیبە لە ئەحضانی پیاوێکدا خارج عەنل‌جەمیعی عادات و تەقالیدی ئیجتیماعی باسی هاوجنسەکانی دەکات ، بەمەنضوری عالیمانی عیلمول ئیجتیماع ئەم خانمە لەبەر چەندین سەبەب لەباوەشی ئەو پیاوەدا کەوتوەتە زەمی دەستە خوشکەکانی کە موهیمترینیان ئەوەیە ئەو پیاوە لە کون فەیەکونێکدا خدع پێبکات و ئحتیوای ئیحساس و شعوری بکات .



ئەمما بەعد ..

لەو مەقالەیەدا کەبە حیسابی خۆی بە کەلامی مەلیح و لیسانی فەصیح نوسیویەتی ، شەخصیەن خۆی وەک پاڵەوانی ناو ئەفسانەکان نیشان دەدات و وەک مونذرو موبەشیر و واعیض نیشان دەدات و وەعض بۆ جەمعێک ئەهلی قەڵەم دەدات و ئەوان بە عەوام و خۆی بە عالم حیساب دەکات و دەم لە فەلسەفەو مەنطق دەدات وخۆی بە غەواصی ئەعماقی بەحری عروض دەزانێ .

وەلاکین موتەئەسیفانە ئەم زاتە زەریفە نەک صاحیبی سەطرێک کیتابەت نییە بگرە لە باطنی طوطڵ و جەمعی مەکائینی بەحث و سێرچا هاتم و چوم حەتتا ئەو مەکائینە ئالییانەش بە ئیسمی موشەرەفیی ( خانم یەڵدا) شارەزا نەبوون !!!

ئەم زاتە زەریفە عەلارەغمی ئەوەی کە بەقەولی خۆی زۆر ماندووە کەچی لیسانی مودمین لەسەر نیباح بۆ لەحظەیەک سکوت نابێت و ئەم تەصەروفە عەجیب و غەریبەی ئەم ذاتە شەبەقییە بەیتێکی سەیدول شوعەرائی هەجوی کوردی جەنابی شێخ رەضای طالەبانی - قدس سرە شریف- ی بیر خستمەوە کە باسی ئەشخاصی لەم نەوعە دەکات ،کە تا مونتەهای تەعەب و کەسلان دەگەن ، کە مەگەر ئیعتیرافاتی خۆی بزانێت لە چ ظروفێکی مەعنیدا شەکەت بووە ، وەلاکین ئەگەر دەنکە جۆیەکی بیلامانا نیشان بدەی دەیان سەطر لەسەر ئەم و ئەو دەنوسێت .



(گەرچی ناتوانێت ببزوێ ، هێندە لەرٍو کەم قووەتە

دەنکە جۆیەکی نیشاندەی ، تاقیامەت دێ لەدووت)



عەجائبی ذولوەجهەینی ئەم خانمە !!! لەوەدایە کە لە موقەدیمەدا باسی ضغوطاطی پیاو دەکات ، کەچی خیطابەکەی لە ئەحظانی پیاوەوە تەوەجوه دەکات !!!

عەلا کولی حال بەندە لەم چەند سەطرەدا بەنیازم بەعضێک حەقایق لەسەر ئەو کەلامە نامەسئولانەیەی ئەو خانم خاسە بنوسم کە تەمەننا ئەکەم نە بکەومە خەندەقی یەڵداو نە ببمە مودافیعی بەعضێک لەو صاحب قەڵەمانە و ئەمە فەقەط رەئی شەخصی خۆمە

بیلموناسەبە بەر لەوەی ئارائەکانی خۆمتان عەرز بکەم روخسەت لە شاعیری خۆشخوان جەنابی پیر خضری نالی وەردەگرم و ئەم چەند سەطرە دەکەمە دیاری بۆ بەرێزیان



ئەو کە نوسەرو ئەدیبە بە حیسابێ

هاتە سەر لاپەرەی نێت

بە چ نازێک و چ عیتابێک

فەرموی عوقدەم هەیە مومکین نییە وابێ

ناوی من لە کولەکەی تەڕا نەهێنرابێ ........



وە بەعد ..

بەندە بە چەند دێڕێک باسی جەمعێک لەو ناوانە دەکەم .

1- ڤینۆس فایەق.. ئەم خانمە عەلاوەتەن عەلا ئەوەی قەصائید بە زمانی کوردی و عەرەبی دەنوسێت ،لە عەینەن وەختیشا وەک ژنێکی صەحەفی دەیان نەشاطاتی هەیە لە کەثیرون منەل جەوانیبی سەقافیدا .

2- کازیوە ساڵح وەک باقی ژنە کوتاب و شوعەرائەکانی تر کە صاحیبی کەلام و مەواقیفی شەخصی خۆیەتی و لە مەجالاتی شعرو دفاعات لە قەظایای ژناندا ئیسمێکی موتەئەلقە.

3- کەژاڵ ئیسماعیل .. ئەم خانمە خۆی کەژاڵ و شیعری پڕ کەماڵ و وەجهی زولجەمالە و قەڵەمێکی مەلیئون بالئیحساسە لە شیعردا و عەلا رەغمی ئەوەی کە مەقالات و تروحاتی ئیجتیماعی هەیە .

4- چنار نامق.. قەڵەمێکی رەفیع وەک ناوەکەی ، شیرین گوفتارێ ،قەڵەم بەکارێ، صاحب 3 دیوان ، ئەم خانمە لە لەحازی فکرو ئەدەبەوە نەقصی نییە ، مەگەر جەماڵی وای کردبێت خانم خاس دنیای لێبوبێتە دەیجورو یەڵدا و ئەگەر ئیستیعابی بکات با (گەمەکانی من و بیکاشۆ) بخوێنێتەوە یان ئەگەر خەتەکە دەرناکات ئەوا دەتوانێت طەلەبێک بداتە کوردسات بۆ ئەوەی سەمعیەن وە بەصەرییەن ئەو شیعرە ببینێ .

5- سارا عومەر.. شاعیرێکی مەلیئون بیلئیحساس ، زاتول شعورین جەمیلە ، قەصائیدەکانی لە جوملەی نایابدان و ئەلبورهان و خەیروت دەلیلە عەلا زالک فەقەت با قەصیدەی ( گەران بەدوای مەرگدا ) بخوێنێتەوەو ئەگەر خۆنەواریشی نییە بە صەوت مەوجودە .

6- پایزە ئەحمەد .. عەلا رەغمی ناوەکەی، قەڵەمێکی هەمیشە بەهارەو فەقەت کەسانێک لێی ناگەن کە لە پایزی بیرکردنەوەدا بن .

ئەمما باقی ناوەکانی تر ئحتیمالە نەتوانم وەک ئەوەی ئەمانە دەناسم لە رێگەی قەصائیدەکانیانەوە ئەوانی تر باش نەناسم وەلێمەکەتەی ئەوانی تریش حەقە دەسخۆشیان لێ بکەین نەک تەشهیر .

لە خولاصەی ئەم طروحاتانەدا بۆمان ئظهار دەبێت کە جەنابیان نەک لە شعری موعاصر تێناگات بگرە دژایەتیشی دەکات .

بۆیە من لەم میمبەرەوە عەرضی طەلەب لەو خانمانە دەکەم بۆ ئەوەی شەوی یەڵدا ببرێتەوە شیعری هەلور بلور تەکامە بنوسن وەک ئەم نمونەیەی خوارەوەو پێشکەشی بکەن بە خانمی ناقد



بۆق و قرژاڵ و رەقە

ئیتر نەما تەفرەقە



ئەگەر نا کوا قسە لەسەر مۆدێرنێتە بکرێت و کۆت و بەند بۆ شاعر دابنرێت و پێی بڵێی وا بنوسە !!!!

من لێرەدا ئەلعان لەبەر ئەسبابی صەحی ناتوانم زۆر درێژە بە کەلامەکانم بدەم ، ئەگەر نا لە چۆمسکی یەوە تا سۆسێر و لە بارتەوە بۆ درێدا لەسەر مەسائیلی لیسان و لوغە و میتا زمان و کیمیای پێکهاتەی دەق عەرزم ئەکردی،

بەنەظەری من ئەمە کافییە و نامەوێت ببمە موقەلید و جەنابی شێخ رەضای طالەبانی

- قدس سرە شریف - پێم بڵێت :



ئەگەر چی بۆ موجتەهیدان جائیز نییە تەقلید

من موقەلید بوم و هاتم تەقلیدی کەرم کرد



خانمی حەسنا ...

لە جێگایەکی نوسینەکەتدا هەندێک شتت نوسیوە کەتەنیا لە حەکایەتی کورەکەچەڵە دەچن کە لەگوێی ئاگردانا بیگێریتەوە ، حەقایەتی فێربونی خوێندەوارییەکەی تۆ تەنها لە هەزارو یەک شەوەدا جێگەی دەبێتەوە .

قاریئی بەرێز ...

ئەم سەطرانە بخوێنەرەوە بزانە چۆنی بەرخورد دەکەن

( من لەگەڵ ئەوەشدا تاکە ژنێک بوم لە ڕۆژگاری خۆمدا نوسیومە بەڵام ساڵانێکی درێژ لادێ بە لادێ و شار بە شار با دوای عیلم و مەعریفەتدا سوڕاومەتەوە ،بە ماندووبونێکی زۆر فێری خویندن نوسین بوم ئەمڕۆی ئێوەم لەبەر چاو بوە ، هاو جنس و هاوڕێ و هاو تەمەنانی من لە کەیف و سەما و ئەشق بازی و سەیران و گەڕاندا بون بەڵام بێهۆش و هزرخاڵی ، من تەنهایم قبوڵ کرد لەگەڵ کتێبدا و بیرم لە دروست کردنی تۆیەک دەکردەوە شتێک ڕێز لەو وشانە بگریت کە بە خوێنی خۆم بۆ ئێوەم نوسیوە)

بە نەظەری خۆم و بە مەزەندەی پیاوانی قەیمی ئاواییەکەمان فەقەط فەقێیانی حوجرەو خانەقا ئەوەندە شارەو شاریان کردگە تا بوستان و گوڵستانی سەعدی خەتم بکەن،

نیسبەتەن بە سەطرێکی تری جەنابیان ئەوا بەندە وای بۆ ئەچم ئەم زاتە ئیمانی موطلەقی بە (دۆنا دۆن ) هەس و لەم سەطرەدا ئەو دۆنای ( حەوایە ) و دەلیلم بۆ ئەم کەلامەم کەلامێکی خۆیەتی کە دەڵێت :

من تەنهایم قبوڵ کرد لەگەڵ کتێبدا و بیرم لە دروست کردنی تۆیەک دەکردەوە شتێک ڕێز لەو وشانە بگریت کە بە خوێنی خۆم بۆئێوەم نوسیوە .

بەندە هیچ نالێم ، فەقەط مەسرور دەبم ئەگەر سەرێک بکێشنە ناو کتێبەکەی نیچە بە ناوی ( زەردەشت وەهای گوت) و بزانن ئەمە ئەفکاری یەڵدا یان نیچەیە؟؟؟؟؟؟

خەیرول کەلامی ما قەللە وەدەللە یەو لە خاتیمەدا دەڵێم :

من موطمەئینم نە لە ماضی و نە لەحاظرا کە نالی موخاتەبەی مەستورەی کردبێت ، ئەوەی باس نەکرابێت ئەم شتانەی جەنابتن .

دڵنیام ئەو شەوە نالی هێندە سەرقاڵی کەیف و ئاودانی چیمەنی شەرابردوو بووە ئەوەندە بیری لای زمان و سیمۆلۆژیا نەبوە !!

ئەی ئێوە چیتان بە نالی گوت؟

تەلبیەی طەلەباتیتان کرد؟

توانیتان دڵنیای بکەنەوە؟

کە نالی گریا بەچی دڵت دایەوە؟

پێت وت بەم نیوە شەوە تەنها خۆمان دەنگی خۆمان دەبیستین؟

کوردۆ ئەردەڵانی

وتاری سیاسی

  • 
    بەیاننامەی پارتی سەربەستیی کوردستان لە پێوەندی بە ڕزگارکردنەوەی شنگاڵ، و ڕووداوەکانی دوزخورماتووی باشوری کوردستان

      ڕزگاری شنگاڵ. خەڵکی هەردەم خۆراگرو تێکۆشەری کوردستان. ڕێکەوتی ١٣ / ١١ / ٢٠١٥ مزگێنی ڕزگارکردنەوەی شنگاڵ لە لایەن سەرۆکی هەرێمی کوردستانەوە لە پرێس کۆنفرانسێکدا ڕاگەیاندرا. کە بە بەشداری دەیانهەزار لە پێشمەرگەکانی کوردستان و بە سەر پەرەستی بەڕێز مەسعود بارزانی فەرماندەی گشتیی هێزە چەکدارەکان و سەرۆکی هەرێمی کوردستان، و هەروەها بە بەشداری فرۆکەکانی هاویەیمانی شەری دژی داعش، و هێزەکانی پێکاکا و یەپەگە بەشداریان تێیدا هەبووە. هەواڵی ڕزگاربوونی شنگاڵ هەموو کوردێکی خەمخۆری نیشتیمانی لە هەر قوژبنێکی جیهانداخۆشحاڵکرد. بەو بۆنەوە وەک پارتی سەربەستیی کوردستان پیرۆزبایی بە دەستهێنانەوەی ئەو شارە ...

مافی مرۆڤ

    
  • هیچ کەس ولایەنێک ناتوانێ تاوانبارانی جینۆساید بەرەڵا بکات

    لەمێژە هەوڵەکان بۆ بەرەڵاکردنی تاوانباری ئەنفال سوڵتان هاشم  لە ئارادایە ،بەلام بەهۆی فشارەکانی  کەسو کاری قوربانیان جینۆساید و چین و توێژەکانی تری عیراقەوە  سەرکەوتوو نەبوە. وا جارێکی تر دەنگۆی بەرەڵا کردنەکەی  دەبیستین لە میدیاکانی راگەیاندنەوە گوایە ئەمجارە  جەند کەس و لایەنێک  لەهەوڵدان بۆ بەردانی ئەم تاوانبارە ئەویش بەپێی ڕیکەوتن و مامەڵەیەکی سایسیە  بۆ ئازاد کردنی شاری موسڵ . ئەم کارە نارەوایە  هەرچۆنێک بێت دژ بە هەموو پرەنسیپەکانی مافی مرۆڤ و پێشێلکاریەکی زەقی یاسا و دادوەریە،لەگەڵ ئەوەشدا &n ...

بابه‌تی هونه‌ری

    
  • له‌ قه‌سابخانه‌وه‌ بۆ باره‌گا, هه‌ژێن

    له قه سابخانه وه بۆ باره گاهه ژێن03.04.2009تۆ هاتی و دڵم کرده سفره بۆتتۆ ناوه خت هاتی و سفره م خاڵی بووله به رده مت راکشام و وتم “ها سه رم ببڕه ”تۆ ناوه خت هاتی و ئه لبومێکی ته مه ندرێژم بۆت کرده وه نه مزانی ناوه خت ده ڕۆی و وێنه کانت گشت ڕه شده که یته وه تۆ ناوه خت له په نجه ره وه هاتی,به ڵام کچه دراوسێکه مان له ده رگه وه ماچی بۆ هه ڵدامبیست و هه شت ساڵ له مه وبه ربه ر له کۆچی ناخواسته ی خۆیساڵێ به ر له پێشمه رگکه وتنملێی پرسیم “تۆ چیت”که چی تۆ دوو ڕۆژ له مه وبه ربۆت نووسیم “تۆ سه گیت”پێم سه یر بوو، تازه زانیوه ته من به ڕه ڵام وه ك سه گئه و به ...