پاراستنی هه‌رێمی کوردستان چیتر ئه‌رکی کورده‌کانی ڕۆژهه‌ڵات نییه!


25.09.2007

دوا به‌ دوای ڕاپه‌ڕینی باشووری کوردستان و دامه‌زرانی حکوومه‌ت و پارله‌مان له‌م به‌شه‌ی کوردستان دا، سه‌رنج و نیگا پڕ نیگه‌رانیه‌کانی سێ ده‌وڵه‌تی ئێران، تورکیا و سووریا له‌ سه‌ر ئه‌م پارچه‌یه‌ی وڵاته‌که‌مان چڕ بووه‌وه‌ و زۆر به‌ وردی خستیانه‌ ژێر چاوه‌دێرییه‌وه‌. هاوکات ئاڵۆزی و جه‌نگ و ئاریشه‌ نێوخۆییه‌کانی نێوان و هێز و لایه‌نه‌کانی ئه‌م پارچه‌یه‌، به‌ تایبه‌تیش جه‌نگی شه‌ڕی نێوان پاریتی و یه‌کێتی زیاتر ڕێگه‌ی خۆشکرد بۆ ده‌ستێوه‌ردانی ڕاسته‌وخۆ و بێپه‌رده‌ی داگیرکه‌ران له‌ کاروباری نێوخۆیی هه‌رێمی کوردستان و گوشاری هه‌مه‌لایه‌نه‌ بۆ سه‌ر شۆرشگێرانی پارچه‌کانی تر له‌م به‌شه‌ له‌ وڵاته‌که‌یاندا. تێرۆر و ڕفاندن و په‌لامار شاڵاو بردنه‌ سه‌ر و بۆمباران و سه‌ره‌نجام گوشار هێنا بۆ پارتی ویه‌کێتی هێزه‌کانی ڕۆژهه‌ڵاتی ناچارکرد به‌کرده‌وه‌ خه‌باتی چه‌کداری بوه‌ستێنن و له‌ بازنه‌یه‌کی ته‌سک و ته‌نگه‌به‌ردا و دوور له‌ سنووره‌کان پاڵ بده‌نه‌وه‌ و دڵ به‌ هیوا خۆش بکه‌ن. هه‌رچه‌نده‌ به‌شێک له‌ ڕازیبوون به‌ دانیشتن و ده‌س به‌ کڵاوه‌وه‌ گرتنی لایه‌نه‌کانی خۆرهه‌ڵات له‌ لاوازی و بێده‌ره‌تانیی خۆیانه‌وه‌ سه‌رچاوه‌ی ده‌گرت؛ به‌ڵام هه‌وڵێکی دڵسۆزانه و په‌رۆشییه‌کی هه‌ڵقوڵاوی گیانی نه‌ته‌وه‌په‌ره‌ستی بوو که‌ ناچاری کردن بۆ پێشگیری له‌ ئاڵۆزیی پتر و جه‌نگێکی براکوژیی دیکه‌ واز له‌ خه‌باتی چه‌کداری بهێنن..

واز هێنان له‌ خه‌باتی چه‌کداری له‌لایه‌ن هێزه‌کانی خۆرهه‌ڵاته‌وه‌ نرخ و به‌هایه‌کی زۆری بۆ درا. سه‌دان و هه‌زارن له‌ تێکۆشه‌رانیان ڕوویان کرده‌ غه‌ریبی و به‌ وڵاتانی دنیا دا پرش و بڵاو بوون. سه‌دان که‌سیان له‌ ژێر گوشاری ته‌ناهی و سیاسی دا ناچار کران خۆیان ته‌سلیمی ڕێژیم بکه‌نه‌وه‌. ژماریه‌کی زۆریان له‌ باشوور دانیشتن و په‌یوه‌ندیی ڕاسته‌وخۆیان به‌ حیزبه‌کانیانه‌وه‌ نه‌ما و خۆیان به‌ کار وکه‌سابه‌ته‌وه‌ خه‌ریک کرد.. کار گه‌یشته‌ ئه‌و جێیه‌ که‌ ڕادیۆشیان به‌ حیزبی دێمۆکرات داخست... ئه‌مانه‌ هه‌موویان ویستی کۆماری ئیسلامی بوون و پارتی ویه‌کێتی دێمۆکرات و کۆمه‌ڵایان ناچار کرد جێبه‌جێیان بکه‌ن.

تا دوو سێ ساڵ له‌مه‌وبه‌ر هه‌ندێک له‌ ڕێبه‌رانی حیزبی دێمۆکرات له‌سه‌ر ئه‌و بڕوایه‌ بوون که‌ ئه‌گه‌ر له‌ ئوسترالیایش کاناڵی ته‌له‌ڤیزیۆنی دابنێن پارتی و یه‌کێتی پێیان داده‌خه‌ن و ڕێگه‌یان پێناده‌ن به‌کاری بهێنن. به‌ڵام خۆشبه‌ختانه‌ ماوه‌یه‌که‌ سێ چوار کاناڵی ته‌له‌ڤیزیۆنی له‌لایه‌ن کورده‌کانی خۆرهه‌ڵاتی کوردستانه‌وه‌ کراونه‌ته‌وه‌ و هیچ گرفتێکیشیان له‌و بواره‌دا بۆ نه‌هاتووه‌ته‌ پێش. ڕاسته‌ کۆماری ئیسلامی وه‌ک ڕابردوو له‌ سه‌ر گوشاره‌کانی خۆی بۆ سه‌ر پارتی و یه‌کێتی به‌رده‌وامه‌ و له‌ جموجووڵی به‌رهه‌ڵستکارانی خۆی خافڵ نییه‌؛ به‌ڵام له‌به‌رئه‌وه‌ی هاوکێشه‌ سیاسییه‌کان گۆڕاون (کۆماری ئیسلامی خۆیشی زۆر به‌ باشی له‌مه‌ ئاگاداره‌) گوشاره‌کان وه‌ک پێشوو کاریگه‌ر نه‌بوون و نابن؛ و تا ئێستا ئه‌وه‌نده‌ پاڵه‌په‌ستۆ نه‌که‌وتووه‌ته‌ سه‌ر پارتی و یه‌کێتی تا ته‌سلیمی داواکانی ئێران بن. دیاره‌ چاوه‌ڕوان ده‌کرێت ئێران له‌ ڕه‌وشی په‌ره‌ ئه‌ستاندنی جموجووڵی لایه‌نه‌کانی خۆرهه‌ڵاتدا هوشاره‌کانی زیاد بکات؛ به‌ڵام به‌ دڵنیاییه‌وه‌ وه‌ک پێشوو شوێندانه‌ر نابن و جارێکی تر تێرۆر و ڕفاندنی خه‌باتکارانی ڕۆژهه‌ڵات و هه‌ڵکوتانه‌ سه‌ر بنکه‌ و باره‌گاکانیان له‌ کۆیه‌ و باسرمه‌ دووپات نابنه‌وه‌.

هه‌بوونی ئه‌مریکا له‌ هه‌رێمه‌که‌ و سه‌رنجی وردی ڕاگه‌یه‌نه‌ جیهانییه‌کان له‌ ناوچه‌که‌دا ده‌سته‌به‌ره‌ بۆ سنووردارکردنی چالاکییه‌کانی ئێران له‌ دژی به‌رهه‌ڵستکارانی. مانه‌وه‌ی ڕێکخراوی تێرۆریستیی موجاهیدینی خه‌ڵق له‌ ژێر چه‌تری پاراستنی ئه‌مریکا دا و له‌ ده‌ڤه‌رێکی ئاوا ئاڵۆز و پڕ ئاریشه‌دا نموونه‌یه‌کی حاشاهه‌ڵنه‌گره‌ بۆ ئه‌م ئیددیعایه‌. هه‌روه‌ها پاراستنی پ ک ک که‌ ئه‌ویش له‌لایه‌ن خۆراواوه‌ وه‌ک تێرۆریست ده‌ژمێردرێت، سه‌لمێنه‌ری ئه‌م ڕاستییه‌یه‌ که‌ ده‌وڵه‌تانی ده‌وروبه‌ر که‌ به‌ نه‌ریت له‌ دژی بایه‌خ و به‌ها مرۆڤایه‌تییه‌کانی ڕۆژائاوا و ماف و ئازادییه‌کانی گه‌لان بوون، ناتوانن وا سووک و سانا په‌لاماری ئه‌ملا و ئه‌ولا بده‌ن و ده‌سدرێژی بۆ سه‌ر نه‌یارانیان ئه‌نجام بده‌ن.

له‌لایه‌کی دیکه‌وه‌ گرژیی نێوان ئێران و ئه‌مریکا که‌ لایه‌نێکی گرنگی بریتییه‌ له‌ کێشه‌ی ئه‌تۆمیی ئێران، ڕۆژ به‌ ڕۆژ له‌ گه‌وره‌بوونه‌وه‌ دایه‌ و پتر به‌ره‌و بنبه‌ست ڕاکێش ده‌کرێت و گوشاری خۆرئاوا بۆ سه‌ر ئێران په‌ره‌ده‌ستێنێت. هه‌رچه‌نده‌ ئه‌مه‌ تاکه‌ هۆکاری ئاڵۆزیی په‌یوه‌ندییه‌کانی نێوان ئێران و ئه‌مریکا نییه‌. دیاره‌ لێدانی ئێران ڕووخاندنی ڕێژیمه‌که‌ی تاقه‌ رێبژارێک نییه‌ بۆ چاره‌سه‌ری ئه‌م ئاریشه‌یه‌ و ده‌ربازبوون له‌ کێشه‌ی ناووکیی ئێران؛ به‌ڵام خاوه‌ن نه‌زه‌ران به‌ یه‌کێک له‌ ئه‌گه‌ره‌ چاوه‌ڕوانکراوه‌کانی ده‌زانن و ره‌تی ناکه‌نه‌وه‌. کار کردنی ده‌وڵه‌تی بووش بۆ خستنی ناوی سوپای پاسداران له‌ لیستی رێکخراوه‌ تێرۆریستییه‌ جیهانییه‌کان که‌ هه‌وڵی زۆر و به‌ بڕشتی بۆ دراوه‌ و بودجه‌ی ته‌واوی بۆ ته‌رخانکراوه‌ به‌ ئه‌نجام گه‌یاندنی ئه‌م رێبژاره‌ بۆ چاره‌سه‌ری کێشه‌ی ناووکیی ئێرا له‌گه‌ڵ رۆژاوا مسۆگه‌رتر ده‌کات.
هه‌ر بۆیه‌ ئه‌رکی بێ ئه‌ملا و ئه‌ولای هێز و لایه‌نه‌کانی ڕۆژهه‌ڵاتی کوردستانه‌ بێ هێنانه‌وه‌ی هێچ عوزر و به‌هانه‌یه‌ک و بێ که‌مته‌رخه‌می و ته‌نه‌خیکردن ده‌سبه‌کار بن بۆ وه‌شاندنی زه‌بری ڕاسته‌وخۆ و کاریگه‌ر له‌ به‌رژه‌وه‌ندییه‌کانی سوپای پاسداران له‌ هه‌ر شوێنێک بێت. گه‌ره‌که‌ چیدی به‌ بیانووی پاراستنی ئه‌زموونی ساوای هه‌رێمی کوردستان خۆیان له‌ کۆیه‌ و زه‌رگوێزه‌ڵه‌ توند نه‌که‌ن. پێویسته‌ دێمۆکرات و کۆمه‌ڵه‌کان وه‌ک هێزی سه‌ره‌کی له‌ بزووتنه‌وه‌ی کورد له‌ ڕۆژهه‌ڵاتی کوردستان دا ببنه‌ پێشه‌نگ بۆ لێدانی چه‌خماخه‌ی شۆڕشێکی چه‌کداریی نوێ له‌ داوێنه‌کانی زاگرۆسه‌وه‌، له‌ باشووری ڕۆژه‌ڵاتی کوردستانه‌وه‌ به‌ره‌و قووڵایی ناوچه‌کانی تر و ته‌نیا و ته‌نیا پاسداره‌ تێرۆریسته‌کان و بنکه‌ و بنیاده‌کانی سوپای تێرۆریستی پاسداران بکه‌نه‌ ئامانجی هێرش و په‌لاماریان.

ده‌سه‌ڵاتدارانی هه‌رێمی کوردستانیش به‌ تایبه‌ت پارتی و یه‌کێتی له‌ سه‌ریان پێویست ده‌کات که‌ ڕه‌وشی تازه‌ی خۆرهه‌ڵاتی کوردستان ده‌رک بکه‌ن؛ و بۆ پاراستنی به‌رژه‌وه‌ندییه‌ باڵاکانی نه‌ته‌وه‌ی کورد له‌ گوشار خستنی ڕاسته‌وخۆ بۆ سه‌ر هێزه‌کانی خۆرهه‌ڵات خۆ ببوێرن. ئه‌گه‌ر نا، زه‌ره‌رمه‌ندی سه‌ره‌کی ته‌نیا خۆیان ده‌بن؛ و مێژووی خۆیان ڕه‌شتر و خه‌وشدارتر ده‌که‌ن و سیمای خۆیان له‌لای کورده‌کانی ڕۆژهه‌ڵات دزێوتر ده‌که‌ن. نابێ لێره‌ به‌دواوه‌ له‌ سه‌ر حیسابی پارچه‌کانی تر خۆیان به‌ڕێوه‌به‌رن. گه‌ره‌که‌ فێری هونه‌ری به‌ڕێوه‌بردنی وڵات و ڕه‌فتار و هه‌ستان و دانیشتن له‌ته‌ک دۆست و دوژمن و دوور و نزیک ببن. پێویسته‌ فێر ببن چۆن ته‌ناهیی سنووری دراوسێکانیان ده‌پارێزن، ئاوایش ته‌ناهیی سنووره‌کانی خۆیان بخه‌نه‌ سوکری ئه‌وان.
ئه‌مڕۆ هاوکێشه‌ سیاسییه‌کان ئاڵوگۆڕیان به‌ سه‌ردا هاتووه‌ و گرنگیی باشوور وه‌ک پازده‌ ساڵ له‌مه‌وبه‌ر نه‌ماوه‌.
هه‌ر ئاڵوگۆڕێک له‌ ئێراندا بۆی هه‌یه‌ چاره‌نووسی نه‌ته‌وه‌ی کورد به‌ ده‌یان ساڵ به‌ره‌و پێشتر ببات و کاریگه‌ریی ڕاسته‌وخۆ و پۆزه‌تیڤیشی بۆ سه‌ر ڕه‌وشی باشوور هه‌بێت.
عه‌بدولواحیدی خه‌نده‌ڕه‌ش, هامڵتن- نیوزیلاند

وتاری سیاسی

  • 
    بەیاننامەی پارتی سەربەستیی کوردستان لە پێوەندی بە ڕزگارکردنەوەی شنگاڵ، و ڕووداوەکانی دوزخورماتووی باشوری کوردستان

      ڕزگاری شنگاڵ. خەڵکی هەردەم خۆراگرو تێکۆشەری کوردستان. ڕێکەوتی ١٣ / ١١ / ٢٠١٥ مزگێنی ڕزگارکردنەوەی شنگاڵ لە لایەن سەرۆکی هەرێمی کوردستانەوە لە پرێس کۆنفرانسێکدا ڕاگەیاندرا. کە بە بەشداری دەیانهەزار لە پێشمەرگەکانی کوردستان و بە سەر پەرەستی بەڕێز مەسعود بارزانی فەرماندەی گشتیی هێزە چەکدارەکان و سەرۆکی هەرێمی کوردستان، و هەروەها بە بەشداری فرۆکەکانی هاویەیمانی شەری دژی داعش، و هێزەکانی پێکاکا و یەپەگە بەشداریان تێیدا هەبووە. هەواڵی ڕزگاربوونی شنگاڵ هەموو کوردێکی خەمخۆری نیشتیمانی لە هەر قوژبنێکی جیهانداخۆشحاڵکرد. بەو بۆنەوە وەک پارتی سەربەستیی کوردستان پیرۆزبایی بە دەستهێنانەوەی ئەو شارە ...

مافی مرۆڤ

    
  • هیچ کەس ولایەنێک ناتوانێ تاوانبارانی جینۆساید بەرەڵا بکات

    لەمێژە هەوڵەکان بۆ بەرەڵاکردنی تاوانباری ئەنفال سوڵتان هاشم  لە ئارادایە ،بەلام بەهۆی فشارەکانی  کەسو کاری قوربانیان جینۆساید و چین و توێژەکانی تری عیراقەوە  سەرکەوتوو نەبوە. وا جارێکی تر دەنگۆی بەرەڵا کردنەکەی  دەبیستین لە میدیاکانی راگەیاندنەوە گوایە ئەمجارە  جەند کەس و لایەنێک  لەهەوڵدان بۆ بەردانی ئەم تاوانبارە ئەویش بەپێی ڕیکەوتن و مامەڵەیەکی سایسیە  بۆ ئازاد کردنی شاری موسڵ . ئەم کارە نارەوایە  هەرچۆنێک بێت دژ بە هەموو پرەنسیپەکانی مافی مرۆڤ و پێشێلکاریەکی زەقی یاسا و دادوەریە،لەگەڵ ئەوەشدا &n ...

بابه‌تی هونه‌ری

    
  • له‌ قه‌سابخانه‌وه‌ بۆ باره‌گا, هه‌ژێن

    له قه سابخانه وه بۆ باره گاهه ژێن03.04.2009تۆ هاتی و دڵم کرده سفره بۆتتۆ ناوه خت هاتی و سفره م خاڵی بووله به رده مت راکشام و وتم “ها سه رم ببڕه ”تۆ ناوه خت هاتی و ئه لبومێکی ته مه ندرێژم بۆت کرده وه نه مزانی ناوه خت ده ڕۆی و وێنه کانت گشت ڕه شده که یته وه تۆ ناوه خت له په نجه ره وه هاتی,به ڵام کچه دراوسێکه مان له ده رگه وه ماچی بۆ هه ڵدامبیست و هه شت ساڵ له مه وبه ربه ر له کۆچی ناخواسته ی خۆیساڵێ به ر له پێشمه رگکه وتنملێی پرسیم “تۆ چیت”که چی تۆ دوو ڕۆژ له مه وبه ربۆت نووسیم “تۆ سه گیت”پێم سه یر بوو، تازه زانیوه ته من به ڕه ڵام وه ك سه گئه و به ...